"Лион" ҳужумчиси Райан Шеркига "Манчестер Юнайтед" қизиқиш билдирмоқда. Бу ҳақда TBR Football хабар бермоқда.
"Қизил иблислар" раҳбарлари футболчи ва унинг ўйинларини диққат билан кузатиб боришмоқда. 21 ёшли Шерки вингер бўлиб, у клубнинг "Лион" академияси тарбияланувчиси саналади.
Жорий мавсумда франциялик футболчи "Лион" сафида барча мусобақаларда 35 та ўйин ўтказди. Уларда у рақиблар дарвозасига 8 та гол урди ва 18 та голли узатмани амалга оширди. Transfermarkt Райанни 35 миллион еврога баҳоламоқда.
"Лион" Лига 1 доирасидаги еврокубоклар йўлланмаси учун курашмоқда, айни дамда "тақачи"лар турнир жадвалида 7-ўринда ва 45 очкога эга.
