Мадриднинг "Реал" клуби жорий мавсум Испания Кубогининг ярим финалида "Реал Сосьедад"ни қўшимча дақиқаларда мағлуб этиб, финалга чиқди. Икки учрашувдан кейин умумий ҳисоб 5:4.
Финалда "Реал" "Барселона" - "Атлетико" жуфтлигининг энг кучли жамоаси билан ўйнайди.
Испаниянинг машҳур Marca нашри футбол бўйича илк бор Испания кубогини "Реал", "Барселона" ва ҳатто "Атлетико" ҳам қўлга киритмаганини эслатди.
Тарихда илк бор Испания кубоги финали 1903 йил 8 апрелда Мадридда "Реал" ва "Атлетик" (Билбао) ўртасида бўлиб ўтган. "Атлетик" 3:2 ҳисобида ғалаба қозонган. Шу тариқа айнан "Атлетик" тарихидаги илк Испания кубоги ғолибига айланди.
Эслатиб ўтамиз, "Реал Мадрид" 2025 йилда 41 марта Испания кубоги финалида ўйнайди. Бунгача "Реал" Испания кубоги финалида 20 марта ғалаба қозонган ва 20 марта мағлуб бўлган эди.
"Барселона" Испания кубоги финалида энг кўп ғалаба қозонган ва 31 марта кубокни қўлга киритган.
Айтиб ўтганимиздек, тарихда илк бор Испания кубоги ғолибига айланган "Атлетик" бу совринни 24 марта қўлга киритган.
