"Манчестер Юнайтед"дан ижарага олинган "Бетис" вингери Антони Испаниядаги фаолиятини қандай бошлагани ҳақида гапириб берди.
Бразилиялик "қизил иблислар" таркибидаги ўрнини йўқотди ва қишки трансфер ойнасида уни "Бетис" ижарага олди. Янги жамоада футболчи тезда ўзгарди ва бир пайтлар "Аякс"да кўрсатган энг яхши фазилатларини қайтарди.
"Қаерда бўлсам ҳам, "Манчестер Юнайтед" ҳақида доим ижобий фикрда бўламан. "Бетис"да ўзимни топдим. Оилам бахтли бўлиши керак эди. Ҳар куни бу ерга кўчиб ўтиш мен қабул қилган қарорлар ичида энг яхшиси бўлганини англайман. Менга Севилья ёқади, у менга Бразилияни эслатади," - деди Антони DAZN билан суҳбатда.
