"Manchester Yunayted"dan ijaraga olingan "Betis" vingeri Antoni Ispaniyadagi faoliyatini qanday boshlagani haqida gapirib berdi.

Braziliyalik "qizil iblislar" tarkibidagi o‘rnini yo‘qotdi va qishki transfer oynasida uni "Betis" ijaraga oldi. Yangi jamoada futbolchi tezda o‘zgardi va bir paytlar "Ayaks"da ko‘rsatgan eng yaxshi fazilatlarini qaytardi.

"Qayerda bo‘lsam ham, "Manchester Yunayted" haqida doim ijobiy fikrda bo‘laman. "Betis"da o‘zimni topdim. Oilam baxtli bo‘lishi kerak edi. Har kuni bu yerga ko‘chib o‘tish men qabul qilgan qarorlar ichida eng yaxshisi bo‘lganini anglayman. Menga Sevilya yoqadi, u menga Braziliyani eslatadi," - dedi Antoni DAZN bilan suhbatda.