"Лацио" афсонаси Чиро Иммобиле "Интер" билан шартнома имзолаб, Италия чемпионатига қайтиши мумкин.
Иммобиле айни дамда Туркия чемпионатида "Бешиктош" сафида тўп тепмоқда. У Истанбул жамоаси сафида 33 та ўйинда 15 та гол урди ва яна А Серияга қайтиш ҳақида ўйламоқда, деб хабар беради маҳаллий Fanatik нашри. Манбага кўра, агент аллақачон унга янги жамоа қидирмоқда.
Ҳозирча "Интер" ҳужумида яхши даражадаги бир неча футболчилар бор, аммо Марко Арнаутович ва Хоакин Корреа келаси ёзда клубни тарк этиши кутилмоқда. Меҳди Таремининг келажаги унчалик аниқ эмас. Буларнинг барчаси Иммобиле билан шартнома тузиш ҳақиқатга айланиши мумкинлигига олиб келади.
Transfermarkt портали футболчининг нархини 2,8 миллион еврога баҳоламоқда.
