Kicker нашри маълумотига кўра, "Манчестер Сити" дарвозабони Штефан Ортега "Байер"да Лукаш Градецкий билан асосий таркиб учун кураш олиб бориши мумкин бўлган номзод ҳисобланади.
Ортега ҳозирда "Манчестер Сити"нинг иккинчи дарвозабони ҳисобланади ва кўпроқ ўйнашга ҳаракат қилмоқда. Унинг шартномаси 2026 йилнинг ёзигача амал қилади ва ҳозирда унинг бозор нархи тахминан 9 миллион еврони ташкил этади. 32 ёшли дарвозабон Бундеслигада ўйнаш тажрибасига эга, у Англияга кўчиб ўтгунга қадар "Арминия Билефельд" сафида 67 та ўйинда майдонга тушган.
Маълумот учун, германиялик футболчи жорий мавсум "Манчестер Сити" сафида барча мусобақаларда 16та ўйинда майдонга тушиб, ўз дарвозасидан 22 та гол ўтказиб юборган ва 4 марта ўз дарвозаси дахлсизлигини сақлаб қолган.
