2 апрель, чоршанба куни “Брентфорд” АПЛнинг 30-тури доирасида “Ньюкасл” меҳмони бўлди. “Асалар” 1:2 ҳисобида мағлуб бўлди, уларнинг ягона голи 66-дақиқада пенальтини аниқ амалга оширган ҳужумчи Браян Мбеумо урди.
Бунинг эвазига у Премьер-лига тарихида 10+ уринишда 100% пенальтиларни голга айлантирган учинчи футболчига айланди.
2024/25 йилги мавсумгача бу рекорднинг ягона эгаси "Манчестер Сити"нинг собиқ ярим ҳимоячиси Яя Туре эди.
2024 йил декабрь ойида "Челси" ярим ҳимоячиси Коул Палмер Туредан ўзиб кетди. У 12 зарбадан 12 та гол урган эди.
“Фулхэм” ҳужумчиси Раул Гименес 2025 йилнинг январида “Ипсвич”га қарши ўйинда ўзининг 10 ва 11-пенальтиларини амалга оширган ҳолда ушбу рўйхатга қўшилди. 2025 йилнинг апрель ойида эса Мбеумо ҳам бу рўйхатга қўшилди.
Қўшимча қиламизки, Мбеумо жорий мавсумда "Брентфорд" учун барча турнирларда 34 та ўйинда 16 та гол ва 6 та голли узатмага муаллифлик қилган.
