УEФА ҳисоботига кўра, "Реал Мадрид" Чемпионлар лигаси ғолиби сифатида ўтган мавсумда энг кўп мукофот пулини қўлга киритди. Бу сумма 138,8 миллион евро, деб хабар беради AP.
Мадрид клуби салкам 139 миллион евро ишлаб топган бўлса, "ПСЖ", “Манчестер Сити”, “Боруссия Дортмунд” ва “Бавария” 100 миллиондан ортиқ даромад олган.
Бу маблағдан бор-йўғи 14 миллион еврони Мадрид клуби телевидение ҳуқуқларини сотишдан олган.
Ярим финалда мағлуб бўлган парижликлар 122,4 миллион еврони қўлга киритди. "Боруссия" мукофот пули бўйича учинчи ўринни эгаллади.
“Аталанта” Европа лигасида ғолиб чиққани учун деярли 34 миллион евро олган.
2023 йилда Чемпионлар лигасида ғалаба қозониб, чорак финалга қадар етиб борган “Манчестер Сити” 110,5 миллион евро ишлаб олди. “Барселона” 98 миллион евро, “Манчестер Юнайтед” эса 60,7 миллион евро олган.
