UEFA hisobotiga ko‘ra, "Real Madrid" Chempionlar ligasi g‘olibi sifatida o‘tgan mavsumda eng ko‘p mukofot pulini qo‘lga kiritdi. Bu summa 138,8 million yevro, deb xabar beradi AP.

Madrid klubi salkam 139 million yevro ishlab topgan bo‘lsa, "PSJ", “Manchester Siti”, “Borussiya Dortmund” va “Bavariya” 100 milliondan ortiq daromad olgan.

Bu mablag‘dan bor-yo‘g‘i 14 million yevroni Madrid klubi televideniye huquqlarini sotishdan olgan.

Yarim finalda mag‘lub bo‘lgan parijliklar 122,4 million yevroni qo‘lga kiritdi. "Borussiya" mukofot puli bo‘yicha uchinchi o‘rinni egalladi.

“Atalanta” Yevropa ligasida g‘olib chiqqani uchun deyarli 34 million yevro olgan.

2023 yilda Chempionlar ligasida g‘alaba qozonib, chorak finalga qadar yetib borgan “Manchester Siti” 110,5 million yevro ishlab oldi. “Barselona” 98 million yevro, “Manchester Yunayted” esa 60,7 million yevro olgan.