"Бавария" ва вингер Лерой Сане янги шартнома бўйича келишувга яқинлашди.

29 ёшли футболчининг амалдаги келишуви июль ойида ўз ниҳоясига етади. Бир неча бор хабар қилинганидек, Сане шартномани узайтиришдан манфаатдор, "Бавария" раҳбарияти эса ҳамкорликни давом эттириш зарурлигига ишончи комил эмасди. Журналистлар Тоби Альтшеффл ва Кристиан Фалькнинг янгиланган маълумотларига кўра, битим юқори эҳтимоллик билан тузилади. Агар ҳаммаси режа бўйича кетса, футболчи маоши камайтирилган ҳолда уч йиллик шартнома имзолайди.

Лерой Сане жорий мавсумда Венсан Компани жамоаси сафида 36 та ўйинда 11 та гол ва 4 та голли узатмани амалга оширди.