"Барселона" дарвозабони Войцех Шесни Испания Кубоги ярим финалидан ўрин олган Мадриднинг "Атлетико" клубига қарши жавоб ўйини ҳақида гапирди.
Каталонияликлар кичик ҳисобда ғалаба қозониб, финалга йўл олди (умумий ҳисобда 5:4). Чоршанба куни бўлиб ўтган уй учрашувида "матрасчилар" "кўк-анорранглилар" дарвозасига бирорта ҳам аниқ зарба йўллай олмади.
"Атлетико" билан ўйинда бирорта ҳам сэйв амалга оширмадим, бирорта ҳам аниқ зарба бўлмади. Ўзимни нимадир қилаётгандек кўрсатишимга тўғри келди," - дея 34 ёшли польякнинг сўзларини келтиради испан ОАВ.
