"Манчестер Сити" ҳужумкор ярим ҳимоячиси Фил Фоден жамоасининг омадсиз мавсуми ҳақида гапирди.
"Муаммоларимизни бир қанча сабаблар билан изоҳлаш мумкин. Жамоада кўплаб жароҳатланган футболчилар бор эди. Аввалги барча ютуқларимиз саломатлик учун катта синов бўлди. Доим чўққида бўлиш мумкин эмас, баъзида ҳаётда қулашлар бўлиб туради. Менимча, биз ҳеч нарсани ўзгартиришимиз шарт эмас. Мураббийга ишонишимиз ва ўзимизни формада ушлаб туришимиз керак," - дея англиялик футболчининг сўзларини келтиради Goal.com.
Англия Премьер-лигасининг жорий мавсумида "Манчестер Сити" 51 очко билан 4-ўринда бормоқда.
