"Ливерпуль" ва Англия терма жамоасининг афсонавий футболчиси Стивен Жеррард мураббийлик фаолиятини қайта тиклаш эҳтимоли ҳақидаги саволга жавоб берди.
"Йўқ, мен хоҳламайман. Эркин уйғонганимдан ва ўз ишим билан шуғулланганимдан хурсандман. Энди стресс нима эканлигини унутиб қўйдим. Кейинги бир ярим йилдан кейин қайтиб келмайман. Мен гольф ўйнашни, барга боришни ва бир-иккита пиво ичишни афзал кўраман. Ишлаётганимда тақиқланган оддий ишларни қилишни хоҳлайман", деди Жеррард.
Эслатиб ўтамиз, Стивен “Глазго Рейнжерс” ва “Астон Вилла” клубларини бошқарган. Унинг охирги иш жойи Саудия Арабистонининг “Ал-Иттифоқ”и эди.
