Италиянинг "Рома" клуби бош мураббийи Клаудио Раньери ҳужумчи Пауло Дибала ҳақида фикр билдирди.
"Бизнинг Дибала ҳақидаги фикримиз ўзгармади. У биз учун жуда муҳим ва биз ҳаммамиз унга ишонамиз - жумладан, келаси мавсумда ҳам," - дея Раньерининг сўзларини келтиради Football Italia.
Аргентиналик футболчи чемпионатда 24 та ўйин ўтказиб, 6 та гол урди ва 3 та голли узатмани амалга оширди, шундан сўнг пайидан жароҳат олди ва мавсум охиригача сафдан чиқди. Унинг жамоаси еврокубоклар учун кураш олиб бормоқда ва 52 очко билан турнир жадвалининг олтинчи поғонасидан жой олган.
