Italiyaning "Roma" klubi bosh murabbiyi Klaudio Ranyeri hujumchi Paulo Dibala haqida fikr bildirdi.

"Bizning Dibala haqidagi fikrimiz o‘zgarmadi. U biz uchun juda muhim va biz hammamiz unga ishonamiz - jumladan, kelasi mavsumda ham," - deya Ranyerining so‘zlarini keltiradi Football Italia.

Argentinalik futbolchi chempionatda 24 ta o‘yin o‘tkazib, 6 ta gol urdi va 3 ta golli uzatmani amalga oshirdi, shundan so‘ng payidan jarohat oldi va mavsum oxirigacha safdan chiqdi. Uning jamoasi yevrokuboklar uchun kurash olib bormoqda va 52 ochko bilan turnir jadvalining oltinchi pog‘onasidan joy olgan.