"Манчестер Юнайтед" "Удинезе" ҳужумчиси Лоренцо Луккага қизиқиш билдирмоқда. Бу ҳақда The Sun хабар бермоқда.

Манбага кўра, 24 ёшли футболчи "қизил иблислар" рўйхатида биринчи ўринни эгаллаб турибди. Италия клуби келаси ёзда Луккани 25 миллион фунт стерлинг (29,5 миллион евро) эвазига қўйиб юборишга тайёр.

Таъкидланишича, трансфер амалга оширилса, икки метрли форвард собиқ ҳужумчиси Питер Краучдан кейин Англия чемпионатидаги энг узун бўйли ўйинчига айланади.

Жорий мавсумда Лука барча мусобақаларда 32 та ўйинда қатнашиб, 12 та гол ва 2 та голли узатмани амалга оширди.