Италиянинг “Ювентус” клуби ёзги трансфер ойнасида нигериялик ҳужумчи Виктор Осимхенни сотиб олмоқчи.
Туринликлар ҳужумчини "Манчестер Юнайтед" ҳам кузатиб туришини билишади ва футболчининг ўзи ҳам анчадан бери ўзини АПЛда синаб кўрмоқчи эди.
Бироқ, TEAMtalk хабарига кўра, "Ювентус" ўз агенти билан алоқаларидан фойдаланиб, футболчини "кекса синьора"га ўтишга кўндирмоқчи.
Эслатиб ўтамиз, Осимхен ҳозирда Туркиянинг “Галатасарой” клубида ижара асосида ўйнамоқда ва унга бўлган ҳуқуқлар “Наполи”га тегишли.
Жорий мавсумда нигериялик барча клуб мусобақаларида 32 та ўйин ўтказиб, 28 та гол урди ва 5 та голли узатмани амалга оширди. Футболчининг трансфер қиймати 70 миллион евро.
