Эммануэль Пети унинг ҳафсаласини пир қилган Премьер-лига мураббийлари қаторига Рубен Аморимни ҳам киритди.
"Гвардиолани мавсумдаги асосий умидсизлик деб айтиш мен учун қийин, лекин у бу гуруҳда. Анге Постекоглуни ҳам шу гуруҳга қўшсам бўлади, гарчи у "Тоттенхэм"даги вазият учун ягона масъул деб ўйламайман.
Мен “Манчестер Юнайтед”да Рубен Аморимга ҳам ишора қилган бўлардим. Клубдаги тартибсизлик учун Аморим жавобгарми? Менимча, ундай эмас, муаммолар мураббийлар ўриндиғидан анча чуқурроқ.
“Манчестер Юнайтед” ҳали ҳам Европа лигасида. Агар у ғалаба қозонса, у автоматик тарзда Чемпионлар лигасига йўл олади. Агар Аморим бунга эришса, ҳамма нарсага қарамай, унинг мавсумини муваффақиятли деб ҳисоблаш мумкин", деди собиқ ярим ҳимоячи.













