"Спортинг" жамоасининг энг яхши тўпурари Виктор Дьёкерешнинг трансфери бўйича музокаралар олиб боришга тайёр. The Sun таблоидининг ёзишича, португалияликлар сотувда ён беришга тайёр.
“Спортинг” швециялик ҳужумчи учун товон пули миқдорини 85 миллиондан 70 миллионга камайтирмоқчи. Викторга Англиянинг “Манчестер Юнайтед” ва “Арсенал” клублари қизиқиш билдирмоқда.
Эслатиб ўтамиз, “қизил иблислар”га аввалроқ “Спортинг”ни бошқарган ва Дьёкерешни яхши биладиган Рубен Аморим мураббийлик қилади. 2024/2025 йилги мавсумда Виктор 43 ўйин ўтказиб, 43 гол ва 11 голга ассистентлик қилган.
