Мадриднинг "Реал" клуби юлдуз ҳужумчиси Килиан Мбаппе майдондаги позицияси ҳақида гапирди.
"Роналду, масалан, ҳужумда учта позицияда ўйнай олади. Мен ҳам бир неча позицияда ўйнаганман. Энг муҳими, жамоадошлар билан тил топишиш, ўйиндан завқ олиш керак. Бу мен учун энг муҳими. Қолган ҳаммаси шунчаки гап," - дейди 26 ёшли ҳужумчи журналист Ана Пасторга берган интервьюсида.
Килиан жорий мавсум "қироллик клуби" сафида 45 та ўйинда иштирок этди. Юлдуз ҳужумчи 32 та гол ва тўртта ассистни ўз ҳисобига ёздириб қўйди.
