Германия чемпионат доирасидаги "Аугсбург"га қарши ўйинида "Бавария"нинг ҳужумкор ярим ҳимоячиси Жамол Мусиала жароҳат олди.
22 ёшли футболчи кўрикдан ўтди ва унинг натижалари ҳақида клуб матбуот хизмати маълум қилди.
"Мусиаланинг чап сон пайида мушаклари ёрилгани тасдиқланди", — дейилади клуб баёнотида.
"Бавария" Жамол Мусиаланинг тикланиш шартларини ошкор этмаяпти. Олдинроқ футболчининг тикланиши учун тахминан саккиз ҳафта керак бўлиши ҳақида маълумотлар пайдо бўлганди. 2024/2025 йилги мавсумда Жамол Мусиала 40 та ўйин ўтказиб, 18 та гол урди ва 8 та голга ассистентлик қилди.
