Ўзбекистон футбол ассоциацияси томонидан мураббийлик соҳасини ривожлантириш, мураббийлар малакасини ошириш ҳамда вилоятлар футбол академиялари фаолиятини тизимли йўлга қўйиш мақсадида хорижлик мутахассислар жалб этилганидан хабарингиз бор.
ЎФА техник директори Ги Киала бошчилигидаги делегация Наманган вилояти футбол академиясига ташриф буюриб, у ердаги инфратузлима ва машғулот жараёнлари билан танишди. Шунингдек, академия мураббийлари иштирокида “Талантни аниқлаш” мавзусида семинар ўтказилиб, U-13 жамоаси тарбияланувчилари учун маҳорат дарслари (мастер-класс) ташкил этилди.
Ўзбекистон футбол ассоциацияси мутахассислари томонидан академия фаолиятини тизимли йўлга қўйиш, футбол академиялари ва футбол мактаблатида мураббийлар учун рақобатбардош футбол муҳитини яратиш ҳамда ёш ва иқтидорли футболчиларни селексия қилиш бўйича маслаҳат ва тавсиялар берилди.
