"Барселона" бош мураббийи Ханс-Дитер Флик Ла Лига доирасидаги "Бетис"га (1:1) қарши ўйиндан сўнг журналистлар билан суҳбатлашди.
"Шундай кунлар бўладики, қўлингдан ҳеч нарса келмайди, бунга кўникишдан бошқа илож қолмайди. Ижобий фикрлаш керак. Ишончим комилки, бугун биз ҳамма нарсани синаб кўрдик.
Мухлислар бизни жуда яхши қўллаб-қувватлашди. Улар биз уларнинг ёрдамига жуда муҳтож эканимизни ҳис қилишди. Ўйлайманки, улар бор кучимизни сарфлаганимизни тушунишади. Албатта, натижа футболчиларнинг ҳафсаласини пир қилди, аммо сўнгги уч ой ичида жамоа сезиларли даражада ўсишга эришди," - дея Фликнинг интервьюсидан иқтибос келтиради Barca Universal.
