Испания Ла Лигасининг 2024/2025 йилги мавсуми 30-тур якунларига кўра, "Барселона" Хави қўл остида ўтган мавсумнинг шу давридаги очколари билан бир хил очко тўплади.

Ҳозирда каталонияликлар ҳисобида 67 очко мавжуд. Бундан бир йил муқаддам Хави даврида ҳам худди шундай бўлган эди. Бироқ, турнирдаги вазият сезиларли даражада фарқ қилади.

Ўтган мавсумда бу кўрсаткич 2-ўрин учун етарли бўлган ва ўша вақтда пешқадамлик қилаётган "Реал"дан 8 очко ортда қолганди.

Бу сафар "Барса" турнир жадвалида яққол пешқадамлик қилмоқда ва "қаймоқранглилар"дан 4 очкога олдинда бормоқда.