Узоққа сакраш бўйича собиқ Европа чемпиони кокаин контрабандасида айбланиб ҳибсга олинди.

Болгариялик Олимпиада иштирокчиси ва узунликка сакраш бўйича собиқ Европа чемпиони Петар Дачев кокаин контрабандасида гумон қилиниб ҳибсга олинди. Бу ҳақда Blitz.bg портали хабар берди.

45 ёшли Дачевнинг машинасидан 30 кг кокаин топилди (бу дориларнинг қиймати 2,77 миллион еврога баҳоланмоқда). Гиёҳванд моддалар собиқ спортчи бошқараётган юк машинасининг махсус яширин жойидан топилган.

София округ суди айбланувчига уй қамоғи жазосини талаб қилди.

Дачев ёшлар ўртасидаги жаҳон чемпионати (1998), ёпиқ иншоотлардаги Европа чемпионати (2000) ғолиби, очиқ ҳавода ўтказилган Европа чемпионати (1998) ва ёпиқ иншоотлардаги мусобақада (2002) бронза медали совриндори бўлган.

Сиднейдаги Олимпиадада Дачев 11-ўринни, Афинада эса 13-ўринни эгаллади.