"Манчестер Сити" ярим ҳимоячиси Нико О'Райли клуб билан янги узоқ муддатли шартнома имзолаши мумкин.
20 ёшли футболчи "шаҳарликлар"нинг Премьер-лигадаги сўнгги икки ўйинида, жумладан, "Манчестер Юнайтед"га қарши якшанба дербисида (0:0) асосий таркибда майдонга тушди. Бош мураббий Хосеп Гвардиола чап қанот ҳимоясида ёш инглизни ўйнатмоқда. SunSport хабарига кўра, "Сити" раҳбарияти аллақачон О'Райли билан янги меҳнат шартномаси бўйича музокаралар олиб бормоқда. Агар ҳаммаси режа бўйича кетса, ўйинчи беш йилга мўлжалланган шартнома имзолайди.
Умуман олганда, Нико барча мусобақаларда "Манчестер Сити"нинг асосий жамоаси сафида 12 та ўйинда 3 та гол урган ва 2 та голли узатмани амалга оширган.
