"Ливерпуль" Англия Премьер-лигаси 31-туридан ўрин олган "Фулхэм"га қарши ўйинда сўнгги 4 йил ичида илк бор бир бўлимда учта гол ўтказиб юборди (2:3). Бу ҳақда Opta Sports статистик портали хабар бермоқда.
Портал маълумотларига кўра, мерсисайдликлар сўнгги марта 2020 йил октябрь ойида "Астон Вилла"га қарши ўйинда бир таймда учта гол ўтказиб юборган. Ўшанда учрашув "Ливерпуль"нинг 1:4 ҳисобидаги мағлубияти билан якунланганди.
Эслатиб ўтамиз, "Фулхэм" Англия Премьер-лигаси турнир жадвалида саккизинчи ўринда бормоқда. Жамоа 31 учрашувда 48 очко жамғарган. "Ливерпуль" шунча ўйиндан сўнг 73 очко жамғариб, пешқадамлик қилмоқда.
