Қанот ҳимоячиси Лукас Васкес "Реал"ни тарк этишга яқин турибди.
"Қироллик клуби" раҳбарияти 33 ёшли футболчи билан меҳнат шартномасини узайтирмасликка қарор қилди. "Todofichajes" нашри хабарига кўра, тажрибали футболчи икки клубнинг қизиқишлар доирасига киради. Испаниянинг "Севилья" ва Саудиянинг "Ал-Қодисия" клублари Лукасни ўз сафига қўшиб олмоқчи.
Васкес 2015 йилнинг ёзидан бери "қаймоқранглилар" сафида ўйнайди. Томонлар ўртасидаги амалдаги меҳнат шартномасининг муддати 2025 йил июнь ойи охирида тугайди. Футболчининг трансфер нархи 3,5 миллион еврога баҳоланмоқда.
Лукас Ла Лиганинг жорий мавсумида 25 та ўйин ўтказиб, 1 та гол ва 4 та голли узатмани ўз ҳисобига ёздириб қўйди.
