"Ливерпуль" бош мураббийи Арне Слот жамоаси футболчилари бор эътиборни Англия Премьер-лигаси мавсумининг сўнгги ўйинларига қаратганини айтди.
"Ҳеч қандай хотиржамлик йўқ, биз ҳали еттита ўйин борлигини яхши биламиз. Ўйлайманки, бу мавсумда бизни кўрган ҳар бир киши ғалаба қозониш учун кўп меҳнат қилишимиз кераклигини билади. Сўнгги тўрт йил давомида Премьер-лигада ғалаба қозонган жамоа деярли ҳар бир учрашувда танаффусгача 3:0 ҳисобида олдинда бораётган эди", - дейди Слот.
Бугунги кунга келиб, "Ливерпуль" 73 очко билан Англия чемпионати турнир жадвалида пешқадамлик қилмоқда.
