"Саутгемптон" дарвозабони Аарон Рэмсдейл мавсум якунларига кўра фаолиятида учинчи марта АПЛни тарк этди.

АПЛнинг 2024/25 йилги мавсуми 31-туридан ўрин олган ўйинлардан сўнг "авлиёлар" келаси мавсумда Англия олий дивизионида қолиш имкониятини йўқотди.

26 ёшли дарвозабон ўтган йилнинг ёзида "Саутгемптон" сафига келиб қўшилган эди. "Авлиёлар" уни "Арсенал"дан 28 миллион еврога сотиб олган. Рэмсдейл клуб билан 4 йиллик шартнома имзолади.

Рэмсдейл учун бу фаолиятида 3-марта мавсум давомида ўзи тўп тепаётган жамоанинг АПЛни тарк этиши бўлди.

Аввалроқ, дарвозабон 2019/20 йилги мавсумда "Борнмут" ва 2020/21 йилги мавсумда "Шеффилд Юнайтед"ни Премьер-лигада сақлаб қолишга ёрдам беролмаган эди.

Бу мавсумда Рэмсдейл клуб учун барча турнирларда 25 та ўйинда 56 та гол ўтказиб юборди, 3 та ўйинда дарвозаси дахлсизлигини сақлаб қолган.