"Манчестер Юнайтед" мухлисларнинг дербидаги хатти-ҳаракатлари учун жазоланмайди.

"Юнайтед" мухлислари АПЛнинг 31-туридан ўрин олган "Манчестер Сити"га (0:0) қарши ўйинда Филипп Фоденнинг онаси шаънига ҳақоратли гаплар айтишди.

Англия футбол ассоциацияси (FA) бу воқеалардан хабардор бўлиб, "Юнайтед" мухлисларининг хатти-ҳаракатларини қораласа-да, клубни жазоламайди, деб ёзади Daily Mail.

Е20.1 қоидасига кўра, клублар ўз мухлисларининг "номақбул хатти-ҳаракатлардан сақланишлари" учун масъулдирлар, бу "этник келиб чиқиши, тери ранги, ирқи, миллати, дини ёки эътиқоди, жинси, жинсини ўзгартириши, жинсий ориэнтатсияси ёки ногиронлиги каби белгилардан бирини ёки бир нечтасини очиқ ёки назарда тутилган ҳолда эслатиб ўтиш"ни ўз ичига олади.

Фоден оиласи ҳақидаги бақир-чақирлар бу қоидага тўғри келмайди, деб ишонилади.