Жозе Моуриньо Туркия кубогидаги воқеага изоҳ берди.
"Фенербахче" бош мураббийи Туркия кубоги доирасида "Галатасарой"га қарши кечган дербидан сўнг (1:2) ҳамкасби Окан Бурукнинг бурнидан тортган эди. Турк мутахассиси шундан сўнг юзини чангаллаб йиқилди.
"Бир сурат минглаб сўзларга арзийди. Агар бўлиб ўтган воқеа ҳақида гапирсам, бу менинг вариантим бўларди, аммо "Галатасарой" мураббийининг ўз талқини бор.
Сўзлар ҳеч нарсани англатмайди, фотосуратлар эса ўз-ўзидан гапиради. Ишончим комилки, Голливудда нима бўлганини кўришган," - деди Моуриньо.
