"Лестер" бош мураббийи Руд ван Нистелрой "Ньюкасл"га қарши ўйинда жамоанинг мағлубияти ҳақида фикр билдирди.
"Гаплашиш жуда қийин, айниқса 33-дақиқадан сўнг. Биз энг яхши ният билан бошлаган яна бир ўйинда мағлуб бўлдик. Яна бир голни эрта ўтказиб юбордик.
Бу катта муаммо. Биз ҳаммамиз қандай формада эканлигимизни биламиз. Энг қийини шундаки, биз шунча вақтдан бери бир жойда турибмиз ва ҳеч қандай натижа йўқ", деди Нистелрой.
Эслатиб ўтамиз, “Лестер” “Ньюкасл”га 0:3 ҳисобида имкониятни бой берганди. Жамоа Премьер-лига турнир жадвалида 19-ўринни эгаллаб турибди.
