Туркиянинг “Галатасарой” клуби бош мураббийи Окан Бурук Жозе Моуриньо билан юзага келган можаро юзасидан фикр билдирди.
Бундан бир неча кун аввал “Фенербахче” устози мағлубиятга учраган мамлакат кубоги баҳсидан сўнг Бурукнинг бурнидан ушлаб олди. У юзини ушлаб йиқилди.
"Баъзилар менинг йиқилишимни ёлғон деб айтишади, лекин жим бўлсам яхши бўларди. Бу ҳақда узоқ вақт гапиришни ёқтирмасдим. Бу йигит тирноқлари билан юзимни тирнади! Агар тик турганимда, эҳтимол, 10 учрашувга дисквалификация қилинган бўлардим", - деди Бурук.
Ушбу воқеа учун Моуриньо учта ўйинга дисквалификация қилинди.
