Тел-Авивдаги “Ливерпуль” ва “Челси” клубларининг собиқ ярим ҳимоячиси Йосси Бенаюннинг уйига граната улоқтирилди.
Ҳодиса якшанба куни кечқурун Бенаюн оиласи билан таътилга чиққанида содир бўлган. Мотоциклчи портловчи мосламани уй эшиги остига ташлаб, ғойиб бўлган. Портлаш натижасида ёнғин келиб чиққан ва тез орада ўчирилган.
Яхшиямки, собиқ футболчи ва унинг оиласига зарар етмаган. Йиллар давомида у "Вест Хэм", "Ливерпуль", "Челси" ва "Арсенал" ва бошқа кўплаб клубларда ўйнаган.













