Лондоннинг "Арсенал" клубида таркибни қайта қуриш режалаштирилган. Клуб яқинлашиб келаётган трансферлар даврида фаол бўлади, бунга яқинда жамоа бош мураббийи Микель Артета шама қилганди.
CaughtOffside хабарига кўра, "канонирлар" тушган маблағни бошқа позицияларни кучайтиришга сарфлаш учун марказий ҳимоячи Якуб Кивёрни сотишга тайёр. Миш-мишларга ишонадиган бўлсак, польшаликка Италиянинг "Наполи" клуби қизиқиш билдирмоқда.
Transfermarkt экспертлари Кивернинг нархини 22 млн еврога баҳоламоқда. 25 ёшли футболчининг Лондон гранди билан шартномаси 2028 йилнинг ярмигача мўлжалланган. Жорий мавсумда марказий ҳимоячи Артета жамоасининг 20 та ўйинида, жумладан, бугун Мадриднинг "Реал" клубига қарши кечган баҳсда ҳам иштирок этди.
