Бир неча йил аввал словакиялик футболчи Милан Шкриньяр «Интер»ни тарк этиб, катта шов-шув билан «ПСЖ»га йўл олди ва бу клубда ўйнаганидан қанчалик хурсанд бўлгани ва бутун умри давомида буни орзу қилгани ҳақида гапирди.
Аммо вақт ўтди ва Шкриньяр Туркиянинг "Фенербахче" клубига ижарага берилди. Энди эса унинг агенти Миланнинг Парижга қайтишини кутишдан маъно йўқлигини айтди.
"ПСЖ"да Энрике бор экан, қандай қилиб Парижга қайтиш мумкинлигини тушунмаяпман. Милан "Фенербахче" етакчиларидан бирига айланди, уни Моуриньо ва мухлислар ҳурмат қилишади", - дейди футболчининг агенти Мартин Петрак.
