Журналист Руди Галеттининг хабар беришича, "Тоттенхэм" ёзда "Милан" марказий ҳимоячиси Фикайо Томори билан шартнома имзоламоқчи.

Кристиан Ромеро, Микки ван де Вен ва Раду Дрэгусиннинг жароҳатлари туфайли "шпорлар" янги марказий ҳимоячини сотиб олишни биринчи ўринга қўймоқда. Ромеро, шунингдек, "Тоттенхэм"ни тарк этиши мумкинлиги айтилмоқда.

Томори анчадан бери “Тоттенхэм”нинг радарида. Клуб январь ойида "Милан" билан трансфер бўйича аниқ музокаралар олиб борди, бироқ охир-оқибат келишув амалга ошмади. "Шпорлар" бу ёзда Томори билан шартнома имзолаш учун яна бир уриниб кўриши кутилмоқда,

Жорий мавсумда англиялик футболчи “Милан” сафида барча мусобақаларда 26 та ўйинда майдонга тушиб, 2 та голли узатмани амалга оширди.