"Манчестер Сити" мухлисларининг норозиликлари кучга кирди.

Мухлислар клубнинг чипталар сотиш борасидаги сиёсатидан норозилигини билдириб, уни ўзгартиришга қаратилган акцияларни ўтказгани аввалроқ хабар қилинганди.

Бугун "шаҳарликлар" абонемент нархлари ва АПлнинг индивидуал ўйинларига чипталар бутун кейинги мавсум давомида музлатилишини маълум қилди. Бу қарор клуб вакиллари ва мухлислар ўртасидаги учрашувдан сўнг қабул қилинди ва охирги ҳафталардаги "ижобий ва конструктив мулоқотни акс эттиради".