"Астон Вилла" Эмилиано Мартинеснинг Францияга қарши троллингидан сўнг "ПСЖ"га ютқазди.

Парижликлар ўз майдонида Чемпионлар Лигаси 1/4 финалининг 1-ўйинида инглиз клубини мағлуб этди (3:1). Жавоб ўйини 15 апрель куни бўлиб ўтади.

Ўйиндан олдин "Астон Вилла"нинг аргентиналик дарвозабони Аргентина терма жамоаси томонидан қўлга киритилган совринлар - Жаҳон чемпионати, Америка кубоги ва Финалиссима рамзлари билан қопланган Франция терма жамоаси эмблемаси тасвирланган кепкада пайдо бўлди.

Қайд этиш жоиз, Мартинес ўйин давомида 9 та сэйв амалга оширди.

Эслатиб ўтамиз, Аргентина ЖЧ-2022 финалида Францияни мағлуб этганди (3:3, пенальтилар бўйича 4:2). ЖЧ-2022 финалида Францияга қарши ўйиннинг 123-дақиқасида Мартинеснинг сэйви Аргентинани пенальтилар сериясига олиб чиқди. Ўйиндан кейинги серияда Кингсли Команнинг зарбасини қайтарган Эмилиано жамоасига ғалаба келтирди.