"Манчестер Юнайтед" бош мураббийи Рубен Аморим Европа Лигасидаги муваффақиятлар ва Премьер-лигадаги муваффақиятсизликлар сабабини тушунтирди.
"Қизил иблислар" иккинчи даражали еврокубок чорак финалига қадар етиб борди ва у ерда Франциянинг "Лион" клубига қарши баҳс олиб боради. АПЛда жамоа 31-турдан кейин атиги 13-ўринда бормоқда.
"Ўйлашимча, гап тактикада эмас, балки ўйин суръатида, жисмоний ҳолатда. Биз дунёнинг энг кучли лигасида ўйнаяпмиз - ундаги интенсивлик кўплаб еврокубок ўйинларидан анча юқори ва менда буни тасдиқловчи маълумотлар бор. Ҳар бир ортиқча сония муҳим роль ўйнаши мумкин," - дея Аморимнинг сўзларини келтиради United Stand.
