Ҳимоячи Клеман Ленгле "Атлетико"да ижарада ўйнамоқда. Mundo Deportivo нашри ўз саҳифаларида маълум қилишича, Мадрид клуби футболчини ўз сафида олиб қолмоқчи. Аммо муаммо бор - "матрасчилар" 10 миллион евро тўлашга тайёр эмас. "Барселона" французни сотиш учун айнан шунча пул сўрамоқда. "Атлетико" футболчининг ёшини ҳисобга олиб, бу суммани жуда катта деб ҳисобламоқда (июнь ойида Лангле 30 ёшга тўлади).
Шу билан бирга, Ленглега "Ювентус" қизиқиш билдирмоқда. Туринликлар футболчининг нархи бўйича "Барселона" талабини қондиришга тайёр бўлиши мумкин.
2024/2025 йилги мавсумда Клеман Ленгле 29 та ўйинда майдонга тушиб, иккита гол урган.
