Хитой Халқ Республикасига қарши сафарда иккита ўртоқлик учрашувини ўтказиб қайтган Ўзбекистон миллий терма жамоаси уч кунлик дам олишдан сўнг, эртага навбатдаги ўқув-машғулот йиғинини бошлайди. Мазкур йиғин 16 апрель санасига қадар давом этади.

Йиғин давомида Нодир Элибоев шогирдлари пойтахтимизда қўшни мамлакат – Тожикистон Республикаси миллий терма жамоасига қарши ўртоқлик учрашувида майдонга тушиши режалаштирилган. Назорат ўйинлари 13 ва 15 апрель кунлари бўлиб ўтади.

Эслатиб ўтамиз, ҳар икки баҳс Тошкент ахборот технологиялари университети спорт залида бўлиб ўтади. 13 апрель санасидаги баҳс 16:00да старт олса, 15 апрелга белгиланлан ўйин 17:00да бошланади.

Бу галги йиғинга қуйидаги футзалчилар чақирилган:

Дарвозабонлар – Аббос Ўлмасбеков (БМБ), Аббос Элмуродов (БМБ), Шавкат Ибрагимов («Динамо»);

Ҳимоячилар – Илҳомжон Ҳамроев (“Оил Стар”), Машраб Одилов (БМБ), Шаҳзод Саъдиев (БМБ);

Қанот ҳужумчилари – Акбар Усмонов (СҚБ), Меҳрож Юнусов (“Оил Стар”), Беҳруз Самиев (“Оил Стар”), Элдор Ниғматов («Локомотив»), Дониёр Саидаҳмедов (СҚБ), Орзужон Асқаров (“Оил Стар”), Шаҳрам Фахриддинов (ОКМК), Ҳусниддин Нишонов («Витен», Белорус);

Ҳужумчилар: Давлат Ибрагимов (БМБ), Артур Умуров (“Оил Стар”), Музаффар Аҳаджонов (БМБ).