Мадриднинг "Реал" клуби марказий ярим ҳимоячиси Дани Себальос Чемпионлар лигасининг Лондоннинг "Арсенал" клубига қарши жавоб баҳсида иштирок этиши мумкин. Бу ҳақда журналист Гильермо Рай хабар бермоқда.
Аввалроқ, 28 ёшли испаниялик еврокубокнинг навбатдаги ўйинигача тикланишга улгурмаслиги ҳақида хабарлар тарқалган эди, бироқ янгиланган маълумотларга кўра, хавбек яқин чоршанба куни сафга қайтиши эҳтимоли бор.
Эслатиб ўтамиз, Чемпионлар лигаси чорак финалининг дастлабки ўйинида "Реал" сафарда "Арсенал"га 0:3 ҳисобида мағлуб бўлган эди. Жавоб баҳси 16 апрелга белгиланган.













