Дортмунднинг "Боруссия" клуби дарвозабони Грегор Кобель Чемпионлар Лигаси 1/4 финалининг биринчи ўйинида "Барселона"га қарши 0:4 ҳисобидаги мағлубият ҳақида фикр билдирди.
"Биз жуда кўп нарса бой бердик. Тўртта гол ўтказиб юборишга ҳеч қандай сабаб йўқ эди. Бошқа томондан, гарчи ўйинда унчалик фаол бўлмасак-да, ўз имкониятларимиздан фойдалана олмадик. Бу эса натижани ниҳоятда ачинарли қилиб қўйди.
Ҳимоячилар ортидаги бўш жойни топа олмадик, голларни эса жуда осонлик билан ўтказиб юбордик," - деди Кобель.
Жорий мавсумда 27 ёшли дарвозабон 40 та ўйинда майдонга тушиб, 58 та гол ўтказиб юборди ва 9 марта дарвозасини қуруқ сақлади.
