Dortmundning "Borussiya" klubi darvozaboni Gregor Kobel Chempionlar Ligasi 1/4 finalining birinchi o‘yinida "Barselona"ga qarshi 0:4 hisobidagi mag‘lubiyat haqida fikr bildirdi.
"Biz juda ko‘p narsa boy berdik. To‘rtta gol o‘tkazib yuborishga hech qanday sabab yo‘q edi. Boshqa tomondan, garchi o‘yinda unchalik faol bo‘lmasak-da, o‘z imkoniyatlarimizdan foydalana olmadik. Bu esa natijani nihoyatda achinarli qilib qo‘ydi.
Himoyachilar ortidagi bo‘sh joyni topa olmadik, gollarni esa juda osonlik bilan o‘tkazib yubordik," - dedi Kobel.
Joriy mavsumda 27 yoshli darvozabon 40 ta o‘yinda maydonga tushib, 58 ta gol o‘tkazib yubordi va 9 marta darvozasini quruq saqladi.
