"Челси" бош мураббийи Энцо Мареска Конференциялар Лигаси чорак финалидан ўрин олган "Легия"га қарши ўйинда танаффусда Коул Палмерни нима учун алмаштиргани ҳақида гапирди.
22 ёшли ҳужумкор ярим ҳимоячи биринчи бўлим якунлангач, ўз ўрнини Нони Мадуэкега бўшатиб берди. Палмернинг ўринбосари дубль қайд этди ва "кўклар"га сафарда йирик ҳисобда ғалаба қозонишга ёрдам берди (3:0).
- Палмерни алмаштириш? У Адарабиойо билан 45 дақиқадан ўйнашини олдиндан режалаштиргандик. Ҳаммаси яхши," - дея Маресканинг сўзларини келтиради журналист Бобби Винсент.













