"Манчестер Сити" икки йилдан кўпроқ вақт олдин молиявий қоидаларни 115 марта бузганликда айбланган эди.
Суд мажлислари декабрь ойида якунланган ва баҳорда сўнгги қарор қабул қилиниши кутилган эди. Бироқ, The Telegraph нашрининг хабар беришича, ҳукм кейинга сурилган.
Бу айбловлар сони, ишнинг мураккаблиги ва ҳажми билан боғлиқ. Манбага кўра, ҳукм ёздан олдин эълон қилинмайди.
Бироқ, аниқ муддатлар белгиланмаган. Маълумки, "Манчестер Сити" уларга қўйилган айбловларни қатъиян рад этади.













