Эрик Кантона "Манчестер Юнайтед"нинг бошқа стадионга кўчишига қарши.

Март ойида клуб 100 000 сиғимга эга бўлган 2 миллиард фунт стерлинглик янги стадион лойиҳасини эълон қилди. "Олд Траффорд" 1910 йилда очилган.

"Жамоа ва клубнинг руҳи футболчиларда эмас, балки уларнинг атрофидаги барча одамларда - бу катта оиладек. Футболчилар ва Сэр Алекс Фергюсон жойлашган кийиниш хонасини эслайман. Атрофингиздаги барча инсонлар бизга ўзимизни уйда, бир оиладек ҳис қилишимизга ёрдам беришди. Мураббий ва жамоадошларингизни ҳурмат қилганингиздек, бу одамларни ҳам ҳурмат қилиш жуда муҳим.

"Олд Траффорд" - бу ажойиб стадион. “Ливерпул”нинг “Энфилд”дан бошқа стадионда ўйнашини тасаввур қила оласизми? Бу мумкин эмас. “Юнайтед” “Олд Траффорд”дан бошқа стадионда ўйнай олмайди, деб ўйлайман. Мен бу қарорлардан нафратланаман", деди Кантона.