Мюнхеннинг "Бавария" клубига тегишли франциялик вингер Кингсли Коман фаолиятини Англия Премьер-лигасининг топ-клубида давом эттириши мумкин. Бу ҳақда Bild журналистлари хабар бермоқда.
Манбага кўра, ҳужумкор ярим ҳимоячининг хизматларига "Ливерпуль" қизиқиш билдирмоқда. Мерсисайдликлар футболчини кузатиб бормоқда, аммо ҳали музокара бошланмади. Французнинг немис гранди билан шартномаси 2027 йилнинг ёзида тугайди.
Жорий мавсумда 28 ёшли ярим ҳимоячи Германия чемпионатида 22 та ўйин ўтказди. Коман 4 та гол ва 4 та голли узатмани ўз ҳисобига ёздириб қўйди. Футболчининг трансфер нархи 35 миллион еврога баҳоланмоқда.
